Aj malboos me hai kaisi thakan ki khushbu/raat bhar jaagi hui jaise dulhan ki khushbu
Pairahan mera magar uske badan ki khushbu/us ki tarteeb hai ek ek shikan ki khushbu
Qaamat e sher ki zebaai ka aalam mat puch/maherban jab se hai us sarru badan ki khushbu
Aariz e gul ko chhuwa tha ke dhanuk si bikhri/kis qadr shoukh hai nannhi si kiran ki khushbu
Is aseeri mein bhi har saans ke sath aati hai / sehan e zandaan mein unhen dasht e watan ki khushbu.
No comments:
Post a Comment